Birthday Eve
上了一間 Trading公司見工,一小時的interview,問題不難,大概是真的很等住人用,二話不說,決定了請我,Title是Business Coordinator,但實際工作是跟單,所以真正的Title應該是Merchandiser。一向我不拒絕做Merchandiser,工作性質不是太Active。以外在條件而言,我是十分滿意這工作,一來地點是在上環,我一直期望在港島區上班,二來是五天工,老實說這是極大的bonus,我沒有想過會找到五天工作。所以其實也是開心。雖說這份工不是有關寫東西,又不是有關Media,但既然請,又咁吸引的條件,當然要認真試試先。
不喜歡就….囉!有咩好怕?
不過夜晚同皮皮去聽野,佢一時就串串貢,一時又派下糖,都唔知佢幾時真幾時假,不過佢係真心既,我知道,佢用心提醒我。你知唔知你說一句,勁過人地說幾十句呀﹗你一句我點點點,我就好容易比你影響。如果係第二個,我會堅持自己個套,但係你說的,多多少少都覺得你是對的。
很久了,至少一兩個月,沒有跟皮皮食飯。但今晚同佢食飯好開心。
多謝你,我知你真心當我朋友,(唔好話唔係,殺死你!!!)你真係最好的朋友,唔係扮野既﹗你對我咁好,雖然有時,真係勁大力打我,不過見係你,算啦﹗(我發起瘋來,我知你都食了不少!哈哈)
24/6/06(星期六)
返團契,覺得我個組分享愈來愈交心,雖然有些人依舊勁多爛Gag。
完了團契,和七彩姐姐、團友傾野。死啦,要攪團慶。不過得既。
完了和Coco、Gili、Winnie、吉米去尖沙咀食飯,$10一碟的壽司,Coco請了我和Gili,佢生日(好耐之前),哈哈。買了一個我選的New York Cheese Cake,分了給Waiter 「飛機」(佢個名)食,唔知佢有冇比人鬧,(因為我地請佢食蛋糕,可能比老細以為佢唔做野)
之後同Coco行了一陣,返了家。
收了兩份禮份,一份是雅婷送的Toy Story電話繩,有兩條,亞珊說很美,割愛分了一條給她。多謝雅婷。
Coco買了一件好美的Ronaldinho衫比我,是勁正的~我決定了26號著。她也買了一件Nike衫給Gili!!!正~多謝Coco~
想到Oscar快離開香港,想起一峰的歌,拿回Travelogue 聽,另一番味道。
25/6/06(sun)
今天是Gavin同Jason的生日,send SMS to them!唔知Gavin收唔收到呢?
返崇拜,看到自己一個月的崇拜都遲到,很差勁。我不可以遲到了。
猜不到遇上了皮皮,一起坐。
入門口時,七彩姐姐送了禮物給我,多謝呀﹗想不到竟然記得我生日,還送禮物給我,嘩,佢係傳道人黎ga!!!送野比我!!!!
完了崇拜和一大班人食午飯,師傅和我說了很多道理,我知道他是真心為我好的。我會聽聽話話。
下午開Camp會,有Choi Sir,真係開得特別開心,又有效率。
完了去打Squash,好多人,所以打得好少。
再去荃灣同少英、亞雯、Kityan去食Dinner,有一個好靚的生日蛋糕,有好靚的人,同超正的生日禮物,是我叫Kityan買給我的﹗想要好耐ga la,就是Jason Marz>>Mr A-Z的CD(加DVD),是特別版,勁正!!真係救命咁正!!!
之後同Kityan and Man go to 荃灣Green Box唱K加睇波,其實主要是睇波,但多了些時間,便唱了一小時的K。
見到No哥,一見到佢,就認得我地,我即刻Hi曬佢啦,佢勁好,見我地間房細就換了房比我地,之後見有泡芙,又叫我地去拎(想不到佢咁好記性,第一次去睇波時請我地食的泡芙,說過好食,他也記得)
Man同No哥說,我十二點就生日,佢就即說「好送支香檳比你」,到十二點時仲要播曬生日歌,拎左支香檳入曬,真係….駛唔駛咁好呀~No哥!!!!哈哈,真係好開心,次次去佢到睇波都又食又拎!!!哈哈~佢本身想造馬比我地抽獎拎巨獎(其實係T shirt)但是由於太多高層,造唔到馬比我地,佢都有些唔開心。佢跟我地說佢升了職,升左做經理,下次再去就著西裝。
十二點,收到了我的好皮皮、Cheery、Nickita的Message,多謝你地,真不愧是我的好朋友。哈哈~
由於亞文唔舒服,我地看完一場(英格蘭對厄瓜多爾)便走了,我回家再看荷蘭對葡萄牙,呢兩隊都好勁,痴線,好鬼激,唔捨得訓。打到雙方都超級勁火滾﹗好似就打交咁。斯?朗拿度大腿抽筋到喊,好慘呀。洛賓又打到無心機。
兩隊都有好好的球員,但其實仍是比較喜歡荷蘭﹗
最後,成王敗寇,荷蘭輸了,到十六強止了步,唉,球員Down,而我都覺得唔開心,因為我覺得佢地踢得好好。今場起腳十多次都入唔到,好可惜﹗死啦,如果巴西輸波,我應該好唔開心。
另外,雖然英格蘭今次都羸,都現時都係覺得一般咋喎。我下場估葡萄牙羸英格蘭。
Great Thanks to Every Love me person,including dinner with me, your birthday gift,Warm Birthday Message and Somebody who remeber my b-day :Kate,Cheery,Siu k,Gloria Wong,Siu Ying ,Ah Man ,Kityan,Kenny,7 colour,Tsz Fung, Wah Cheung,Sau Sau,Nickita, Echo,Oliver Chan,Tracy Mok, Daniel Yip, Big V,Coco, Gili,Kitty(and sexy),Winnie,Jason..........Great Thanks !!!!
Looking Forward:Dinner with Oscar,Cheery ,Kate, Siu k and Gloria Wong tomorrow night!
Looking For somebody to say "happy Birthday" to me:Sugar and GeGe